CC – BY – SA lizentzia eta Egunkariaren hemerotekaren bitartez, Batzordearen nondik norakoak ezagutu ditzazkezu hemen:
Lluis Companys, orain 60 urte fusilatua, gogoan
2000ko uztailaren 5ean egin zen publiko Lluís Companys Batzordea. Bi ideia nagusi zabaldu ziren: ideologia anitzeko 54 kideren batasuna, Companys ardatz hartuta eta urteurrenaren baitan antolaturiko ekitaldia. Albisteaz gain, presidentaren biografia labbra topa daiteke Amagoia Mujika kazetariak sinaturiko piezan.
Alderdien eta sindikatuen ordezkaritza zabalak omenduko du Companys Euskal Herrian
Urteurrenaren berezitasuna alderdi politiko anitzen batasuna izan zen. Alderdi Popularra izan zen albo batean geldituriko alderdi bakarra, batzordean Euskal Herritarrok taldea ordezkatua zegoelako.
Omenaldiak administrazio publikoen babes Zabala jaso zuen. Toni Strubell koordinatzaileak, bertaratuen berri emateaz gain, alderdien arteko ikamikari garrantzia kendu eta azken hitza “herriarena” zela, baieztatu zuen.
Lluis Companys
Iritzi artikulu baten bitartez, Joe Linehan, batzordeko kideak presidentaren entregaren berri eman zuen. Bertan, Gerra Kontseiluan, Companysen aurka erabilitako hitzen berri ematen da. Faxistek Kataluniako presidentaren eta CNTko anarkisten lotura baliatu zuten, fusilaketa egozteko. Idatziaren amaieran, Alemania, Frantzia eta Espainiak, erailketaren baitan izandako erreakzioa aipatzen da. 20 urte beranduago, hiru estatuen jarrera ez da aldatu. Alemania eta Frantziak barkamena eskatu dute, Espainiak ez.
Lluis Companys omenduko dute gaur Nazioarteko zubian
Urteurrenaren egun beran, “Ihesa eta eskuetaratzea zubian” antzezlanaren berri eman zuen Egunkariak. Lourdes Villagranen esanetan, “gerra garaian ihes egin zuten euskaldunak eta Companysen entrega” gogoratuko zituen obrak. Zehazki, lau korutako 140 abeslarik parte hartuko zuten omenaldian eta zubian 700 pertsonentzako lekua egongo zen.
Jaurlaritza eta Generalitateko ordezkari gorenen berri eman zen. Mari Karmen Garmendia, Kultura sailburuak eta Joaquin Triadu, Presidentzia kontseilariaren ardura izan zen gobernuen izenean hitz egitea.
