Memoria Demokratikoaren Estatu Idazkaritzari bidalitako izendapen eskaera jaso dute, Raquel Sanchez, garraio ministroak eta Iñaki Arriola, garraio sailburuak. Bertan, Kepa Ordoki – Memoria Historikoa Bidasoan elkarteak Pequeña Velocidad kontzentrazio esparruaren Memoria Demokratikoaren gune izendapena «Ministroen Kontseilura eramatea», eskatu da.
Urtea bukatzear dagoelarik, une ezin aproposa dugu bilana egin eta Kepa Ordokiren hobiaren aurrean gauzaturiko lana oroitarazteko. 2022. urtea Komandantzia aldizkariaren urtea izan da. Urteetako ikerketa lana aldizkari bilakatu dugu, eta eskualdeaz ikasitakoa gizartean errotzen hasia da.
Astelehen honetan, azaroak 28, Kepa Ordokiren heriotzaren XXIX. urteurrena bete da. Hori dela eta, Gernika Batailoiko komandantearen izena duen talde memorialistak oroimen ekitaldia antolatu du. Heldu den larunbatean, xumetasunez oroituko du Kepa Ordoki – Memoria Historikoa Bidasoan elkarteak urteurrena. Topaketa 12:00etan burutuko da Hendaiako hilerrian.
Bidasoako talde memorialistak kontzentrazio esparrua Oroimen Demokratikoaren gune izateko eskaera luzatu dio Espainiako Gobernuaren Oroimen Demokratikoaren Estatu Idazkaritzari.
Olaso Dorrea Fundazioak eta Kepa Ordoki Memoria Historikoa Bidasoan Elkarteak indarrak batu dituzte, Kandido Sasetaren heriotzaren 85. urteurrenean zein Gudarien eginak olerki bildumaren publikazioaren 75. urteurrenean. “Saseta, Monzon eta Gudarien Eginak” izeneko bi poesia eta kantu emanaldi antolatu dituzte Hondarribia eta Bergaran.
Eskualdeak jasan zuen matxinadaren 86. urteurrena Gernika Batzordearekin batera oroitaraziko da, oroimen jardunaldi baten bitartez. Irailak 1ean, arratsaldeko 18:00etatik aurrera, Irungo Palmera Montero guneko 5. gelan. Bertan, Gernika eta Irungo bonbardaketei buruzko azalpenak eskainiko dira, Gernika Batzordea. 1976tik kontakizun kaleidoskopioa eraikitzen dokumentala eskaini aurretik.
1904 – 1909 eta 1912 – 1920 urteen artean Irungo alkate izandakoaren errautsak Irunera itzuli dira, Mexikon hil eta 82 urtera. Aldi berean, María Salles Alberbide emaztea, Juana Iruretagoyena alaba eta Francisco Tomás Rentería suhiaren errautsak Blaiako familiarteko hobian gordeko dira.
Kepa Ordoki – Memoria Historikoa Bidasoan elkarteak “Komandantzia – Frankismo, Nazismo eta Faxismoaren babesleku” aldizkarian interesa duen Bidasotar orori dei egin dio ekainak 2an burutuko den aurkezpenera bertaratzeko. Arratsaldeko 19:00etatik aurrera, Koldo Salinas Aragon eta Peli Lekuona Arruabarrena elkarte memorialistaren kideek aldizkariaren xehetasunak eskainiko dituzte, CBA, Irungo Udal Liburutegian.
Heldu den asteazkenean 85 urte beteko dira Kandido Sasetaren heriotzaz. Euzko Gudarosteko Lagun Gudalburua oroitarazteko intentzioz, lore eskaintza herrikoia burutuko du Kepa Ordoki – Memoria Historikoa Bidasoan elkarteak, otsailak 26an, Hondarribiko hilerrian.
Urtarrilaren 16an, 76 urte betetzen dira Jesus Carrera Olaskoaga buruzagi komunista fusilatu zutela. Atxilotua eta torturatua izan ostean, Alcala de Henares-ko hilerrian fusilatu eta bertako 38. fosan hilobiratu zuten.