Urtarrilaren 16an, 76 urte betetzen dira Jesus Carrera Olaskoaga buruzagi komunista fusilatu zutela. Atxilotua eta torturatua izan ostean, Alcala de Henares-ko hilerrian fusilatu eta bertako 38. fosan hilobiratu zuten.
Bera eta Hondarribia bisitatu ostean, Bidasoko 90 deportatuak xede dituen erakusketa irungo Oiasso museoan egongo da ikusgai, urtarrilak 15etik aurrera.
Aldeko 23 botorekin eta aurkako bozka bakarrarekin, ontzat eman da “LluĂs Companys i Jover president katalanari aitorpena” ekimena.
“LluĂs Companys i Jover president katalanari aitorpena” ekimenaren bitartez, Avenida zubiaren modulu bat Kataluniara bidaltzea eskatu du Kepa Ordoki – Memoria Historikoa Bidasoan elkarteak. Proposamena abenduaren 30ean gauzatuko den osoko bilkuran eztabaidatuko da. Baita ere, Avenida zubian, presidentaren deportazioa eta entrega oroitarazten duen euskarri bat ezartzea eskatu du talde memorialistak.
Azaroak 20a, ez da edonolako eguna #Euskaraldia abian jartzeko. Gogoan ditugu gaur Josu Muguruza eta Santi Brouarden erailketak. Baita ere, lasai asko hil zela Francisco Franco.
Bidasoko Deportatuak | Erakusketa Ibiltariaren baitan, Josu Chueca historialariak "Gurs, euskaldunen kontzentrazio zelaiaren bilakaera" hitzaldia eskaini du, Hondarribiko Kultur Etxean. Bertan, Gurs eta bertan egondako euskal herritarren nondik norakoak azaldu ditu.
Bidasoko 90 deportatuak xede dituen erakusketa Hondarribiko Arma Plaza kultur-gunean egongo da ikusgai, azaroak 9tik aurrera. Kepa Ordoki Memoria Historikoa Bidasoan elkarteak, Hondarribiko Udalaren laguntzaz, antolaturiko erakusketa egunero bisitatu ahalko da, azaroak 22 arte.
Bidasoko 90 deportatuak xede dituen erakusketa Berako Kultur Etxean abiatuko da heldu den ostiralean, urriak 16. Kepa Ordoki Memoria Historikoa Bidasoan elkarteak, Berako Udalaren laguntzaz, antolaturiko erakusketa ostegun, ostiral, larunbat eta igandean bisitatu ahalko da, azaroak 1a bitartean.
1976ko Hondarribiko jaiak amnistiaren aldeko eta Eduardo Moreno “Pertur”-en desagerpena salatzeko manifestazioarekin bukatu ziren. Guardia Zibilak bortizki sakabanatu zuen mobilizazioa eta bertan zegoen Josu Zabala tiroz erail zuen.
Heldu den irailaren 3an, Argentinak Madrilen duen enbaxadatik, bideokonferentzia bitartez,aitorpena hartuko diote Martin Villa ministro ohiari.